Fífutjarnargengið

ferlega drusluleg

2009-06-04T20:05:00.004Z

búin að vera með ógeðslega kvefpest í viku. Eldrautt og hálf flagnað nef af miklum snýtingum, hálfgerðan reykingarhósta og ferlega hálsbólgu. Náði að smita kallinn, pabba og Pál bróður líka, mjög skemmtilegt. Sem betur fer, 7,9,13, hafa börnin ekki fengið neitt að ráði. Smá hnerra og eymsli í hálsi. En það er eins gott að þetta fari ekki seinna en á morgun þar sem Telma og Emilía eru mættar á skerið og getum við ekki beðið eftir að fá að knúsa þær og kynnast Emilíu litlu.

Svo fer alveg að skella á sumarfrí, ekki leiðinlegt.

sælan brátt búin í bili

2009-04-13T17:43:00.002Z

jamm það er víst vinna á morgun, bara fjör þar sem allir hafa sjálfsagt borðað fullt af páskaeggjum og eru því með orma í rassinum. Svo hitti ég Baldur sjúkraþjálfara á morgun, ekki hitt hann í viku svo það verður gaman að sjá hvernig ég verð. Hef nefnilega ekki dugleg að gera æfingarnar mínar og farið of lítið að labba en fór þó í sund.

Að vanda eyddum við páskunum á bestasta stað í heimi, sveitinni hjá pabba. Bara yndislegt og nóg að gera að vanda. Fara í fjárhúsin og gefa rollunum og knúsa litlu lömbin, bara frábært. Enda líður börnunum og kallinum hvergi betur en í sveitinni. Að hlusta á niðinn í fossinum mínum og vakna við fuglasöng á morgnanna, I love it.

Svo voru nú líka mínar yndislegu systur og þeirra fylgifiskar í sveitinni svo það var bara fjör, vantaði bara Pál bróðir og þá hefði allt stóðið verið mætt heim.

Skelltum okkur í jeppaferð í geggjuðu gluggaveðri, þ.e. heiðskírt og sól en hífandi rok.

Fengum okkur að borða á Systrakaffi að vanda en var frekar fámennt í þetta sinn, bara bræðurnir, Steini og við Magnús. Man ekki hversu lengi við höfum gert það að hittast á Systrakaffi á laugardeginum og borðað saman, bara gaman að hittast aðeins og kjafta og borða frábæru pizzurnar sem þar eru á boðstólnum.

Jæja kallinn farin að grilla handa mér lambalundir svo það er best að fara og leggja á borðið.

nokkrar línur

2009-03-07T19:30:00.002Z

er bara nokkuð góð þessa daganna. Hef passað mig voða vel og verið dugleg að taka á málunum þegar lægðirnar hafa sótt að, enda á ég frábæran kall sem er svo duglegur að hjálpa mér.

Er hjá Baldri sjúkraþjálfara þessa daganna og er hann að reyna lappa upp á herðarnar og höfuðið á mér. Búið að vera ansi vont en alveg þess virði þar sem ég hef ekki verið með hausverk í nokkra daga, 7,9,13.

Telma mágkona, Gummi og bumbudaman flutt út til Berlínar og ekki laust við ég að ég sé komin með "heimþrá" til Þýskalands. Lenti í að hringja fyrir þau til að ath með leiguíbúðir og fékk þvílíkt kikk út úr því að tala þýsku aftur eftir allan þennan tíma.

Annars gengur lífið bara sinn vanagang, vinna, sofa, éta. Börnin að gera hvort annað og okkur foreldranna brjáluð og bara fjör á heimilinu.

Svo er stefnan sett á fjöll á morgun, verður voða gott að komast aðeins í burtu frá öllu ;o)

letilíf

2009-01-11T19:43:00.002Z

"ég sá mömmu kyss í gær" heyrðist úr herbergi dótturinnar í morgun rétt upp úr kl. 8 í morgun. Ekkert betra en að vakna upp með bros á vör. Svo dundaði hún sér við að syngja og tralla hálftíma í viðbót og kallaði svo til að athuga hvort hún mætti koma fram. Ekki var bróðir hennar jafn hrifinn að vera vakinn svona upp og bað okkur vinsamlegast um að loka hurðinni inn til sín. Erum alltaf jafn hissa á að hún skuli aldrei koma fram nema kalla fyrst. Þegar hún fer að sofa á kvöldin upp úr kl. 20 liggur hún kannski til kl. 21:30 að vesenast eitthvað. Gera æfingar í rúminu, kjafta við sjálfan sig eða bangsana, syngja og fleirra. En aldrei kemur hún fram eða fer úr rúminu. Við heyrum hana jú stundum læðast til að sækja sér eitthvað dót í skúffurnar en kemur aldrei fram. Mjög merkilegt finnst okkur, sér í lagi þar sem hún heyrir stundum í Kára á röltinu og hún hermir nú eftir öllu sem hann gerir.

Helgin búin að vera voða róleg og fjölskylduvæn. Fórum til Rvíkur í gær þar sem keypt var úlpa á drenginn og svo brunuðum við í níræðis afmæli til ömmu systur Magnúsar. Þar kom saman föðurfjölskyldan hans og stærstan hluta hennar var ég að sjá og hitta í fyrsta skipti. Og komin tími til þar sem ég hef verið tengd fjölskyldunni í 13 ár. Hef jú hitt systkini tengdapabba og sum börnin þeirra en ekki öll. En þetta var voða gaman og börnin mín voru rosa stillt og góð þó þarna væri eiginlega bara ókunnugt fólk og ræðuhöld. En þau sátu svo til allan tímann róleg í sætunum sínum og ekki skemmdi svo fyrir að fá kökur og flottheit.

Í dag er svo búið að liggja í leti, rétt svo nennti að klæða mig til að skreppa í bónus. Var ágætt að taka lífinu með ró enda var ég alveg búin eftir fyrstu vinnuviku ársins. Svo er bara vinna á morgun. Finnst fínt að fá rútínu vinnuvikunar. Er algjör skussi um helgar að taka olíuna mína og borða réttan morgunmat. Má þakka fyrir að muna eftir að taka magatöflurnar um helgar.

2009-01-04T14:57:00.005Z

Gleðilegt nýtt ár!

Jæja þá er árið 2009 gengið í garð. Búin að vera fara yfir árið 2008 og held ég geti sagt það hafi verið mjög rólegt ár hjá okkur. Árið 2008 var læknis ár hjá mér, búin að heimsækja lækna af ýmsum toga og sem betur fer hefur það skilað ágætis árangri, nógu dýrt hefur það allavega verið. Síðari hluti ársins var ansi þungur hjá mér, miklar og djúpar lægðir hafa legið yfir mér en ég sé orðið til sólar núna. Hefst allt þegar ég hef svona yndislegan og hjálpsaman mann.

Ferðuðumst óvenju lítið árið 2008, höfum aldrei keyrt eins lítið öll þessi 13 ár okkar og segir bensínverðið að mestu til um það. Fórum upp á Akranes þar sem frumburðurinn keppti á sínu fyrsta stóra móti í fótbolta og skemmtum við okkur öll mjög vel saman þar. Eyddum svo stærstum hluta sumarsins í sveitinni góðu. Þar fórum við í bíltúra og höfðum það voða gott.

Ekki setjum við okkur nein áramótaheit þó svo að við séum með viss atriði í huganum sem okkur langar að reyna koma í framkvæmd. Þýðir ekkert fyrir okkur að koma með nein heit, þau eru nú bara til að brjóta. En okkur langar að rækta betur samband við fjölskylduna og vini. Hafa meira samband við fólkið okkar og kíkja í heimsóknir. Ég ÆTLA að láta mér líða vel og stefni á að reyna taka mig í gegn og koma mér meira út úr húsi til að hreyfa mig. Ætlum að reyna vera bjartsýn, svona miða við hvernig ástandið er, og reyna að hugsa ekki of mikið um stöðu okkar og fjármál. Erum, allavega ennþá, bæði með vinnu og náum enn að borga af öllu.

Og svo er stefnan sett á allavega eina jeppaferð á árinu :o)

long time no skrif

2008-12-10T15:56:00.002Z

uss uss uss búin að vera svo löt að ég hef ekki nennt að skrifa hér inn. Alltaf fundið mér eitthvað annað að gera eins og að eyða tímanum á facebook, bara gaman.
Jamm ýmislegt búið að gera síðan síðast og tveimur jöxlum fátækari. Það var úr því ágætis ævintýri og minnir ég hafi farið 4 vikur í röð til tannsa. Fékk ígerð og skemmtileg heit í skurðinn. Alltaf jafn heppin!

Ekki enn komin í jólagírinn og það finnst mér alveg hræðilegt, eins og mér finnst gaman að taka upp skrautið mitt og gera húsið fínt en í ár er þetta eitthvað voða erfitt. Ekki einu sinni farin að baka, en þó búin að ákveða hvað baka skal. Helgin verður tekin í bakstur, á laugardaginn koma Klara og Alma og vonandi Telma og Gummi(þið hafið ekkert betra að gera !!!) Þá ætlum við að baka og skreyta piparkökur og á sunnudaginn koma mínar systur og mútta í bakstur.
Er einnig að rembast við að klára þessar jólagjafir sem ég bý til sjálf, búin að gera jólakortin á bara eftir að skrifa inn í þau. Á svo eftir að skrifa á jólakortin fyrir pabba en er enga stund að rumpa því af. Erum að verða búin að versla allar jólagjafirna, þótt fyrr hefði nú verið.

Búin að liggja heima í dag, fékk svona skemmtilega í magann. Held þetta sé ekki gubbupest, er hrædd um að nýju magalyfin séu ekki að virka betur en þetta. En í gær borðaði ég mat með rjóma og smurosti í og lá í alla nótt að drepast úr verkjum og kastaði á endanum upp. Geri kannski aðra tilraun með þetta um helgina og sé hvernig ég verð þá.

Látum þetta nú duga í bili.

.....

2008-10-25T17:41:00.003Z

kom að því að ég nenni að skrifa hér inn. Alltaf nóg að gera hér eins og annarsstaðar.
Í gær og svo á mánudaginn er ég í vetrarfríi og stóð til að eyða því í sveitinni. En dóttirin fékk ælupest á fimmtudagskvöldið svo hér hefur verið sofið lítið og grey þvottavélin þvær og þvær.

Á fimmtudaginn á að taka báða neðri endajaxlanna hjá mér. Get nú ekki sagt ég hlakki til en allt betra en að vera eins og ég er núna. Komst sýking í tannholdið hjá hægri jaxlinum svo ég er öll stökkbólgin og aum og verkjar alveg svakalega. Svo núna bryð ég pillur og vonast til að þetta hjaðni vel svo hægt verði að skera. Get allavega ekki beðið eftir að þetta verði búið og geta farið að borða almennilegan mat aftur.

yndislegt veður

2008-09-29T20:54:00.003Z

mikið var að það stytti aðeins upp og lægði, bara flott veður og hér sást meira segja í þessa gulu líka. Fór út að labba áðan og vá hvað það var gott. Logn, á Selfysskan mælikvarða, tekið að rökva, lítil umferð, ipodin í botni og svo strunsað vel og mikið. Barasta varð þar sem ég var svo úttroðin eftir alltof mikið át í dag.

Eldaði lærisneiðar í raspi, svona eins og amma og mamma gerðu, í kvöld. Svona í tilefni dagsins, en það eru víst 13 ár síðan við Magnús rugluðum reitum okkar saman.

Finnst maturinn, þessi eins og amma eldaði, alltaf svo góður. Hér á bæ þykir þetta gamla, góða og einfalda alltaf langbest. Þessi fáu skipti sem ég prufa að elda eitthvað nýtt fussar í börnunum mínum. Þau vilja bara grjónagraut, slátur, steiktan fisk o.s.frv. Og ekki kvarta ég, þetta er lang ódýrasti maturinn og ekki veitir nú af eins og staðan er í dag.

oj hvað veðrið er leiðinlegt

2008-09-16T16:35:00.004Z

er nú að verða komin með alveg nóg af blessaðri rigningunni.

Margt búið að gera síðan síðast, t.d:
-tók fjögura daga frí í vinnunni og var með börnin í sveitinni hjá pabba meðan Magnús fór á fjall,
þar var farið í berjamó, réttir og teknar upp kartöflur.
- fór á smá "ættarmót" í bænum þar sem afkomendur ömmu Jónasínu komu saman. En hún hefði orðið 100 þann 11. sept.
-fórum í tvenn lokahóf tengdum fótboltanum hjá Kára.
-búin að vera með Elsu veika heima, reyndar bara 1 og 1/2 dag þar sem hún var fljót að ná sér.

Annars gengur lífið bara sinn vanagang. Er næstum alveg að takast að halda mér á floti í þessari lægð sem sótt hefur að mér. Er alveg ótrúlega stolt af sjálfri mér með það. Kemur sér að eiga besta mann í heimi, hann er líka svo duglegur að hjálpa mér með allt og hrósar mér með allt. Algjör gullmoli!!

það er víst vinnudagur á morgun

2008-08-31T21:19:00.002Z

búin að hafa það allt of gott um helgina og engan veginn að nenna fara vinna á morgun. Eyddum allri helginni í bænum. Gistum hjá tengdó og höfðum það voða gott.

Fórum í gær í kolaportið og þangað hef ég ekki farið í langan langan tíma. Hefur svo sem lítið breyst þar nema að þarna eru Íslendingar algjörlega orðnir í minnihluta með bása. En þetta er alveg jafn dýrt og það var.

góð byrjun á helginni

2008-08-22T14:32:00.002Z

er alveg að ná þrýstingnum niður eftir frábæran leik hjá landsliðinu. Horfðum á fyrri hálfleik með krökkunum. Settum bara upp sýningartjaldið á hæðinni hjá okkur og horft í gegnum vefsjónvarpið. Seinni hálfleik horfðum við starfsfólkið á saman og þvílík stemming. Og hún var sko ekki minni hjá krökkunum.

Í gærkvöldi fórum við hjónakornin og Kári á heimaleik hjá Selfossliðinu og sáum þá vinna Njarðvík. Gölluðum okkur bara upp þar sem það var rigning og smá gjóla.

Veit hreinlega ekki hvað er að gerast með okkur, antisportistanna sjálfa. Magnús finnst voða gaman að fara upp á völl og horfa, en sem betur fer nenni hann ekki að horfa á enska boltann!! Það er voða gaman að fara á völlinn hér þegar liðið spilar þar sem að stuðningsliðið, Skjálft, sér um hvatninguna og þvílíkt fjör. Og ekki skemmir nú Kjartan Björns með sínum lögum eftir mörk heimamanna og í hálfleik.

tíminn flýgur

2008-08-13T16:33:00.000Z

Já tíminn flýgur sko heldur betur áfram. Í gær voru víst liðin tvö ár síðan við skunduðum í fjöruna á Stokkseyri og giftum okkur. Ekkert gerðum við nú í tilefni dagsins annað en að fara á völlinn og sáum Selfossliðið vinna Hauka 2-0.

Annars er lífið allt á leið í fastar skorður. Magnús byrjaði að vinna á mánudaginn og Elsa byrjuð á leikskólanum. Kári byrjaður aftur í fótboltanum og ég byrja að vinna á föstudaginn. Fínt að vinna bara í einn dag og svo helgarfrí :o)

home sweet home

2008-08-07T21:24:00.006Z

komum heim í dag eftir tvær yndislegar vikur í sveitinni hjá pabba. Hefðum helst viljað vera lengur en það er vinna hjá Magnúsi og leikskóli hjá Elsu á mánudaginn. Að vanda var fullt brallað í sveitinni og hittum fullt af fólki.
Við systkynin vorum öll heima á tímabili og það hefur ekki gerst í langan tíma. Svo var fullt af fólki hjá Nonna og Siffu svo það var mannmargt á hlaðinu. Fór líka á ættarmót og þar hitti ég fullt af fólki sem ég hef ekki séð í fleirri fleirri ár og var það voða gaman.

Veðrið var voða millt og gott þó ekki léti sú gula sjá sig mikið. En fengum einn dag sem var frábær og skelltum við okkur upp í foss að vaða. Krökkunum fannst það æðislegt og var mikið sullað.

Þó að við höfum notið þess að vera í róleg heitunum var ýmislegt gert líka. Við skelltum okkur í fjöruferð, fórum í sund, bíltúr inn á afrétt, veiddum í Þórutjörninni, máluðum fjósið hjá pabba, fórum á hlutaveltu, horfðum á stígvélafótbolta, fórum í geggjað fimmtugsafmæli og skruppum í Skaftafell. Vorum rosa heppin með veðrið í Skaftafelli og var bara gaman.

Svo þarf víst að fara koma sér í gírinn aftur þar sem sælan er að verða búin. Svo styttist í að litli strumpurinn hjá Iðunni verði skýrður. Er orðin spennt að fá að vita nafnið en ég var nú búin að koma með fullt af uppástungum en held þær hafi ekki alveg náð hljómgrunni.

leti er þetta

2008-07-15T13:02:00.003Z

hef bara ekki nennt að blogga undan farið. Alltaf nóg að gera hjá okkur og svonna. Elsa komin í sumarfrí og Kári búinn að vera á fótboltanámskeiði. Svo eru vinirnir hans hér eða hann hjá þeim.

En stæsta fréttin er nú að afmælisgjöfin kom fyrr en áætlað var. Iðunn systir var sett af stað og átti hún fallegan prins þann 30.júní. Hann er voða smár og fíngerður og algjört bjútí. Get sko endalaust staðið og horft á hann. Börnunum mínum líst voða vel á hann en Elsa varð pínu abbó fyrst þegar við fórum að skoða hann þar sem Iðunn sýndi henni ekki fulla athygli. En svo eftir heimsóknina hefur hún mikið spáð og spekulerað. Fórum svo aftur á laugardaginn að kíkja á hann og kom hún heilmikið við hann og fékk að sitja hjá mér þegar ég hélt á honum. Kára finnst hann voða flottur en hefur mun meiri áhuga á því hvenær skírnin verður og hvort okkur sé ekki örugglega boðið.

Styttist svo í að daman verði þriggja ára. Mikið er tíminn fljótur að líða, finnst svo stutt síðan ég var ólétt af henni.

Annars er ég nú eiginlega farin að bíða eftir að vinnan byrji og allt komist í fasta rútínu aftur. Er ekki alveg að höndla daganna núna. Er alveg eins og börnin þarf að hafa allt í föstum skorðum og fasta rútínu en ekki bara frí dag eftir dag.

bara komin helgi aftur

2008-06-27T10:17:00.003Z

mikið er tíminn fljótur að líða, enda búið að vera óvenju mikið að gera hjá okkur.
Síðustu helgi eyddum við upp á Akranesi þar sem Kári var að keppa á fótboltamóti. Fengum gistingu hjá tengdó þar sem við áttum að vera mætt kl. 10 upp á Skaga. Þetta var rosa fjör, stíf dagskrá, geggjað veður og fullt af fólki. Voru hátt í 1000 drengir að keppa og talið að á milli 4000-5000 manns hafi verið á staðnum. En þeir kunna þetta sko vel þarna á Skaganum. Aldrei þurfti að bíða neitt, hvort sem það var í mat eða að leikir riðluðust til. Komum ansi þreytt og sólbrennd heim á sunnudaginn.

Á miðvikudaginn kom vinafólk okkar að norðan í heimsókn og borðaði hjá okkur og svo var kjaftað fram eftir kvöldi. Í gærkvöldi voru tengdó stödd með hjólhýsið sitt hér upp á tjaldsvæði og buðu okkur í mat. Röltum þangað uppeftir til þeirra og fengum geggjaðan mat að vanda.

Svo náttla búið að vera geggjað veður, sól og rok. En mér tókst að brenna svona ferlega, þrátt fyrir að hafa notað fullt af sólarvörn nr. 30. Svo ég hef ekki verið mikið úti við síðustu daga. Búin að vera baka og svona, svaka dugleg. Svo styttist nú í að ég fái afmælisgjöfina mína, lítinn frænda svo ég er sko bara spennt.

STÓRT skref hjá mér í gær

2008-06-18T13:08:00.002Z

bara verð að monta mig smá núna þar sem stór áfangi, á minn mælikvarða, vannst í gær. Haldiði ekki að mín hafi látið sig hafa það að stíga upp í flugvél og fljúga. Hún Elsa mín var sko hörð á því í gær að fara í flugvél, var hér í boði útsýnisflug yfir Árborgarsvæðið. Hún ætlaði og hafði sitt fram, þurfti nú ekki mikið til að sannfæra kallinn þar sem honum langaði líka. En ég ákvað að láta slag standa og fór með. Mín sem ekki hefur farið inn í flugvél í 10 ár. Held það hafi hjálpað heilmikið að hafa litlu stelpurófuna við hliðina á mér því ég varð að halda andlitinu fyrir hana. En verð nú að viðurkenna að hægri hendin er hálf aum þar sem ég hélt svo fast utan um sætið. En þetta tókst þrátt fyrir mikla ókyrrð í loftinu, þar sem vélin skoppaði stundum ansi vel.

Annar var bara verið úti frá kl. 11 í gærmorgun til hálf 7 í gærkvöldi. Fórum að skoða slökkvi-,sjúkra- og löggubíla, fórum svo í flugið en Kári fór í skrúðgöngu með Jóni, Evu og Steina. Fórum á skemmtidagskrá í íþróttahúsinu þar sem við dönsuðum með Ingó og veðurguðunum. Á meðan fór Magnús með Musso á bílasýningu við fjölbraut. Fórum í hátíðarkaffi og að sjálfsögðu bílasýninguna. Þar vorum við til hálf 6 eða þar til við gátum tekið bílinn aftur. Allir með nettan sólbruna og þreyttir þegar við komum heim.

Elsku Þóra mín innilega til hamingju með útskriftina á laugardaginn, er svo stolt af þér og montin að eiga svona klára og duglega vinkonu.

prufa eitthvað nýtt

2008-06-12T13:12:00.001Z

á maður ekki að prufa eitthvað nýtt örðu hvoru, svona svo maður festist ekki í sama farinu. Er reyndar svo mikið kjánaprik að ég kæri mig ekkert um að mín ómerkilegu skrif séu vistuð einhverstaðar og geymd. Þó ég viti vel að hér á netinu geta allir séð það en finnst þetta samt ekki rétt. Sérstaklega þar sem ég hafði ekki hugmynd um að allt væri vistað og geymt.

En annars ekki mikið að frétta, hér er sól og fínt en að vanda hífandi rok. Alveg ótrúlegt hvað hér getur blásið mikið og oft. Ætla bara ekki að geta vanist þessu.